【生活智慧】之【沖返個靚涼篇】如何選購速熱式電熱水器
【小編有話兒】
【生活智慧】之【沖返個靚涼篇】
如何選購速熱式電熱水器？
近日疫症蔓延，出親街都覺得周身細菌，入屋第一件事一定係洗頭沖涼，洗走哂身上嘅細菌污染物，向病毒說「不」！
但沖涼最怕就係沖沖下唔夠熱水，或者水力忽大忽細、忽冷忽熱，真係人都癲！原本一心諗住想抗疫同relax，結果越沖越谷氣！睇怕都係時候要換番部好嘅熱水爐！
行入舖頭，眼前嘅電熱水爐花多眼亂，睇得小篇一臉迷惘。Sales哥哥問我想揀部咩熱水爐，how do I know??? 我淨係知我要換熱水爐，有咩好介紹？
好彩咁啱店內有個電熱水器老行尊德國寶師傅，佢話「阿妹，等阿叔袋錢落你袋啦！」梗係好啦，thank you你呀！
Oh！電熱水爐原來分三大類
師傅教，原來電熱水爐分為三大類：儲水式，速熱儲水式，及即熱式。
(一) 儲水式：係最傳統式的電熱水器，內置儲水箱，開爐之後要等大約十分鐘水先熱。因為係以儲水量計，所以屋企越多人用水，就要買個越大嘅熱水爐。呢種電熱水爐缺點係一般熱能量流失較大，能源效益方面唔化算；簡單講，即係「嘥電」囉！
(二) 速熱儲水式：所以，近年出現咗新一代以快速加熱儲水嘅電熱水器，逐漸取代傳統儲水式電熱水爐。速熱式電熱水器優點係快熱，開爐後大約五分鐘就有熱水出；舊式樓宇如果淨係需要花灑用熱水，買個15公升低壓速熱式熱水爐已經夠用。如果想全屋幾個出水位都有熱水用—例如廚房、浴室洗手盤同浴缸/花灑位都有熱水，就要買部高壓速熱式熱水爐喇。速熱式熱水爐另一個好處係設有恆溫功能，方便你可以隨意調校合適水溫，靈活度較大。
(三) 即熱式：顧名思議，係即開即熱。市面上出售嘅恒溫或水壓式即熱式電熱水爐，由六千至二萬餘瓦不等，通常都係行三相供電，一般單相供電嘅家居未必啱用。買之前要問清楚你個師傅，以免買錯熱水爐，得物無所用！
Oh！速熱式電熱水器最大路，雙膽設計優點多
原來師傅話，香港93%嘅住宅都係行單相供電，換句話即係大部分家居適合安裝單相供電的儲水式熱水爐，而當中又以速熱式的熱水器較為方便舒適，所以最多人揀。
但小篇所見，即使速熱式電熱水爐都有數唔盡咁多款，令有選揀困難症嘅我完全唔知點揀好！好彩德國寶師傅好有耐性，慢慢同我講解電熱水爐嘅構造，聽完我完全明哂，識揀啦！
佢話，德國寶速熱式電熱水器系列即開速熱，超越傳統儲水式電熱水爐，以專利智能調控左右雙內膽設計*，獨立雙加熱管，雙膽熱水一邊用一邊儲，長用長有，有效延長熱水供應時間，可連續沖涼長達40分鐘！配埋專為呢個系列度身研發設計嘅專用氣壓式慳水節能花灑頭，一分鐘出水量3.5公升，但噴射水力媲美傳統9公升花灑咁強勁舒適；一方面大大減輕儲水容積需求，令熱水爐機身可以纖薄靚仔，厚度只有21cm，仲有效慳水高達70%，延長沐浴熱水供應時間，40分鐘熱水源源不絕冇難度！沖個痛快熱水涼嘅同時，仲可以做到慳水慳電，保護環境！愛惜環境之餘仲同時慳到錢！
Oh！全港首創速熱式電熱水器永久內膽保用！
師傅仲好自豪咁話，德國寶速熱式電熱水器系列，爐的雙內膽以日本特殊不鏽鋼精製，防鏽耐壓，耐水質侵蝕，不會出現變形或漏水等情況，所以夠膽做到「全港首創永久內膽保用」！內置超高溫斷路保護系統，安全可靠；溫度及水壓穩定，不受高低水壓限制，杜絕一切因水壓低而無法供水的情況。優質不鏽鋼發熱管，發揮最高導熱效能。
小篇知道機電工程署於2019年12月已推出儲水式電熱水爐的強制性能源效益標籤計劃，我亦眼見好多牌子電熱水爐都貼住個機電署能源標籤，但點解德國寶部6SSL速熱式電熱水器冇能源標籤嘅？師傅解釋，原來因為德國寶速熱儲水式熱水器係以雙內膽專利設計加熱研發，熱量流失已減到低無可低，已經再冇標示嘅需要，所以已獲豁免強制性能源標籤！嘩！
師傅最後拍心口講多句話，德國寶安裝熱水器的技師全是持牌水喉匠，經驗豐富。如使用時發現水溫時熱時冷、蒸氣或熱水不正常漏出等，可致電師傅安排維修，確保使用安全。
嗯，我而家知道我會揀邊部速熱式電熱水器喇。你呢？
(*專利號: ZL 2016 2 1143463.4)
想了解多啲關於德國寶電熱水器嘅專利智能調控雙膽速熱系統，即刻去片à
想睇德國寶速熱式電熱水器系列有咩型號選擇，click呢度啦：
https://www.germanpool.com/chi/products_cat/list_wh_rapid.php
想了解多啲關於德國寶專用氣壓式慳水節能花灑頭有幾慳水好用，click呢度啦：
https://www.germanpool.com/chi/products/wh_storage_gpa.php?mdl=shw6
***【同場加映】***
電熱水器基本功 深入淺出你要知
咪睇電熱水爐細細部，佢其實屬於耗電量較大嘅一種家庭電器，用電量仲大過雪櫃！而且由於電熱水器基本上係你每日都會用，所以全年用電量同冷氣機不相伯仲！
師傅教，為確保電力安全同正確使用，安裝所用嘅電線都必須能負荷電熱水爐嘅電流強度，而且要直接喺總掣拉線接駁去熱水爐，千其~千其~千其~唔可以共用插座或電掣來取電！(重要的事情要說三遍！)
單相/三相供電要搞清楚
目前部分新落成嘅低密度/中型/大型樓宇，多數都係行「三相四線」電路供應系統，但香港地其實絕大部分住宅 — 包括公屋/居屋/多數私樓，都係「單相供電」。選購電熱水爐之前，要先清楚自己所住樓宇嘅供電情況。
用電熱水器，必須有足夠水量供應先可以接通電源。當水量少、水壓又低嘅話，就要避免水量少而產生水溫過高嘅現像。
想買高壓式熱水爐嘅話，應先檢查樓宇嘅水壓係咪足夠達到供應商規定嘅度數。通常頂樓或接近頂樓嘅樓層，水壓往往較低，買家必須留意呢點。要用高壓爐就需要加裝「加壓掣」。調番轉，樓層低嘅可能水壓過高，咁就要裝「減壓掣」。
【醒目貼士】:現實生活中，最後一位家庭成員淋浴後一定要記住關掉熱水爐嘅電源，咁先至做得到最慳電，保護環境，節省荷包！
#德國 #GermanPool #SmartLiving #HappyKitchen #電爐 #熱水爐 #熱水器 #電熱水爐 #電熱水器 #即熱 #即熱式 #速熱 #速熱式 #儲水 #儲水式 #花灑 #花灑頭 #按摩花灑頭 #高壓 #高壓式 #恆溫 #雙膽 #雙內膽 #雙膽設計 #專利 #雙膽爐 #智能 #節能 #慳水 #慳電 #安全 #一級能源 #能源效益標籤 #單相供電 #三相供電 #公屋 #居屋 #新居 #裝修